கோலாலம்பூர் – ஜோகூர் அரச சின்னம் மற்றும் பணியாளர்களின் உடுப்புகளுடன் கூடிய போயிங் 737 – 800 விமானம் வாஷிங்டனின் எவரெட்டில் காணப்பட்டுள்ளதாக யாஹூ மற்றும் மலேசியன் இன்சைடர் செய்தி வெளியிட்டுள்ளது.
போயிங் பிசினஸ் ஜெட் 2 என்று அடையாளப்படுத்தப்படும் இந்த விமானம் 10 மணிநேரங்களுக்கு தொடர்ந்து பறக்கக் கூடிய திறன் கொண்டனது.
ஜோகூர் அரச முத்திரையுடன் தங்க நிறத்தில் உள்ள இந்த விமானம், ஜோகூர் சுல்தான் சுல்தான் இஸ்கண்டரின் தேவைக்கேற்ப வகையில் பல சிறப்பம்சங்களுடன் உருவாக்கப்பட்டுள்ளது.
விமானிக்கான உரிமம் வைத்துள்ளவரான ஜோகூர் சுல்தான், கார்கள், இரயில், விமானம் போன்றவற்றை இயக்குதில் ஆர்வம் கொண்டவர்.
வாஷிங்டனில் இருந்து இன்னும் சில வாரங்களில் ஜோகூர் பாருவிற்கு அவ்விமானம் கொண்டு வரப்படவுள்ளதாக ‘த மலேசியன் இண்சைடர்’ கூறியுள்ளது.
கடந்த 2015-ம் ஆண்டு, ஜூன் 30-ம் தேதி, ஜோகூர் இளவரசர் துங்கு இஸ்மாயில் சுல்தான் இப்ராகிமின் 31-வது பிறந்தநாளை முன்னிட்டு, அவருக்கு விமானம் ஒன்றைப் பரிசாக அளித்தார் ஜோகூர் சுல்தான் என்பது குறிப்பிடத்தக்கது.
