Home Featured கலையுலகம் மணிரத்னம்-கார்த்தி இணையும் படம் குருதிப்பூக்கள்!

மணிரத்னம்-கார்த்தி இணையும் படம் குருதிப்பூக்கள்!

141
0
SHARE

manikarthi_2463834fசென்னை – மணிரத்னம்-கார்த்தி இணையும் படத்திற்கு ‘குருதிப்பூக்கள்’ எனப் பெயர் வைக்கப்பட்டுள்ளது. ‘ஓ காதல் கண்மணி’ படத்தைத் தொடர்ந்து மணிரத்னம் இயக்கும் அடுத்த படத்தில் கார்த்தி நாயகனாக நடிக்கிறார். இப்படத்திற்கான மற்ற நடிகர், நடிகையர் தேர்வு விறுவிறுப்பாக நடைபெற்று வந்தது.

இந்நிலையில் ‘குருதிப்பூக்கள்’ என்ற தலைப்பில் இப்படத்தின் முதல் புகைப்படத்தை மணிரத்னம் வெளியிட்டிருக்கிறார். ரத்தம் சிந்திய நிலையில் ஒரு ரோஜாப்பூவுடன், துப்பாக்கி இடம்பெற்றிருப்பது இப்படத்தின் மீதான எதிர்பார்ப்பை அதிகப்படுத்தியுள்ளது.

posterஇதனால் காதல், சண்டை போன்று இப்படத்தின் கதை இருக்கும் எனவும் எதிர்பார்க்கப்படுகிறது. இப்படத்தை மணிரத்னம் இயக்குவதோடு, அவரே தயாரிக்கவும் செய்கிறார்.

ஏ.ஆர்.ரகுமான் இசையமைக்க, வைரமுத்து, கார்க்கி இருவரும் இணைந்து பாடல்களை எழுதுகின்றனர். பி.சி.ஸ்ரீராம் ஒளிப்பதிவு செய்யவிருக்கிறார். விரைவில் தொடங்கவுள்ள இப்படத்திலிருந்து சாய் பல்லவியை நீக்கி விட்டதாக தகவல்கள் வெளியாகியுள்ளது குறிப்பிடத்தக்கது.

Comments