கிள்ளான் – அஸ்ட்ரோவின் மாபெரும் அனைத்துலக இந்திய வர்த்தக விழா மற்றும் தீபாவளி கொண்டாட்டம் 2016 – டிஎச்ஆர் ராகாவின் “எல்லோரும் கொண்டாடுவோம்” நிகழ்ச்சியுடன் நாளை ஞாயிற்றுக்கிழமை (2 அக்டோபர் 2016) நிறைவடையவுள்ளது.
ராகாவின் “எல்லோரும் கொண்டாடுவோம்” நிகழ்ச்சியின் முக்கிய அம்சங்கள் பின்வருமாறு:-
- இடைவிடாத ஆடல் பாடல்
டி.எச்.ஆர் ராகாவின் அறிவிப்பாளர்கள் ஆனந்தா, உதயா, ராம், ரேவதி, சுரேஷ், கவிமாறன், கீதா, அகிலா, ஷாலு, ஜெய், யாசினி ஆகியோர் இந்நிகழ்ச்சியில் கலந்து கொள்வார்கள். இந்நிகழ்ச்சியில் இவர்களின் இடைவிடாத ஆடல் பாடல் என பல அற்புதமான படைப்புகள் வலம் வரவிருக்கின்றன.
- ராகாவின் ஸ்டார் யார் இறுதிச்சுற்றின் போட்டியாளர்கள்
டி.எச்.ஆர் ராகாவின் அறிவிப்பாளர்களுடன் இணைந்து 2014-ஆம் ஆண்டு நடைபெற்ற ராகாவின் ஸ்டார் யார் போட்டியின் இறுதிச்சுற்றின் போட்டியாளர்களான நரேஷ், டர்ஷாமினி மற்றும் வேலராசன் இந்நிகழ்ச்சியில் கலந்து கொள்வார்கள்.
- இரண்டு குழுக்களாக கடுமையான போட்டி
ஆடல் பாடல் மட்டுமின்றி ராகாவின் அறிவிப்பாளர்களும் ராகாவின் ஸ்டார் யார் இறுதிச் சுற்றின் போட்டியாளர்களும் “கடலிலே முளைத்த கருவேப்பில்லை” மற்றும் “நேத்து சுட்ட முறுக்கு” – என இரண்டு குழுக்களாக மோதும் போட்டி இம்மேடையிலேயே நடைபெறவுள்ளது. மூன்று சுற்றுகளைக் கொண்ட இப்போட்டியில் ஒவ்வொரு குழுவும் தங்களுடைய திறமைகளை வெளிப்படுத்தும் வண்ணம் வாய்ப்புகள் வழங்கப்படும்.
- போட்டி விளையாட்டுகள்
இதைத் தவிர்த்து, இரசிகர்களுக்காக ராகாவின் அறிவிப்பாளர்கள் பல போட்டி விளையாட்டுகளையும் ஏற்று நடத்தவுள்ளார்கள். வெற்றி பெறுபவர்களுக்கு பரிசுகளும் காத்துக் கொண்டிருக்கின்றன.
- நுழைவு இலவசம்
கட்டணமின்றி இலவசமாக நடைபெறும் இந்நிகழ்ச்சியில் உங்களின் அபிமான டி.எச்.ஆர் ராகாவின் அறிவிப்பாளர்களை ஒரே மேடையில் காணும் அரிய வாய்ப்பு இதுவாகும்.
ஆகவே, ஞாயிற்றுக்கிழமை 2-ஆம் தேதி இரவு 8.00 மணிக்கு ஜிஎம் கிள்ளானில் (GM Klang Wholesale City) வளாகத்தில் உங்கள் குடும்பத்தோடு ராகாவின் “எல்லோரும் கொண்டாடுவோம்” நிகழ்ச்சியில் கலந்து கொண்டு மகிழுங்கள்.
