சென்னை – மறைந்த முன்னாள் தமிழக முதல்வர் செல்வி.ஜெயலலிதா வழங்கிய இன்னோவா காரை, கட்சியிடமே இன்று செவ்வாய்க்கிழமை திரும்ப ஒப்படைத்தார் அதிமுக செய்தித் தொடர்பாளர் நாஞ்சில் சம்பத்.
காரை திரும்ப ஒப்படைத்தது குறித்து நாஞ்சில் சம்பத் வெளியிட்டுள்ள அறிக்கையில், “கடந்த 2012-ம் ஆண்டு, டிசம்பர் 16-ம் தேதி, கழகத்தின் பிரசாரத்திற்காக இந்தக் காரை அம்மா என்னிடத்தில் ஒப்படைத்தார். பொருளாளர் பெயரில் வாங்கப்பட்ட அந்தக் காரை பிரசாரத்தைத் தவிர வேறு எதற்கும் நான் பயன்படுத்தவில்லை. பிரசாரம் இல்லாத நாட்களில் எனது நண்பர் ஜாபர் அலி வீட்டில் பாதுகாப்பாக நிறுத்தி வைத்திருந்தேன்.”
“இப்போது கடந்த 8 மாத காலமாக பிரசாரம் இல்லாத காரணத்தாலும், வீணாக அந்தக் காரை வைத்துக் கொண்டு இன்னோவா சம்பத் என்ற அவப் பெயரையும் சுமந்து கொண்டு எதற்காக இருக்க வேண்டும்? என்று தோன்றியதால், இன்று கட்சித் தலைமையிடம் காரைத் திரும்ப ஒப்படைத்துவிட்டேன்” என்று தெரிவித்துள்ளார்.
