கோலாலம்பூர் – 2018-ம் ஆண்டு முதல் நாடெங்கிலும் நெடுஞ்சாலைகளில் வாகனங்களைக் கண்காணிக்க 100 ஏஇஎஸ் கேமராக்கள் (Automated Enforcement System) பொருத்தப்படும் என துணைப் போக்குவரத்து அமைச்சர் டத்தோ அப்துல் அசிஸ் கப்ராவி தெரிவித்திருக்கிறார்.
வரும் 2020-ம் ஆண்டிற்குள் சாலை விபத்துக்களை 50 விழுக்காடு குறைக்கும் நோக்கில், அனைத்துலக ஒப்பந்தத்தின் அடிப்படையில் இந்த ஏஇஎஸ் கேமராக்கள் வைக்கப்படும் என்றும் இன்று புதன்கிழமை பாரிட் ராஜாவில் நடைபெற்ற ஹரிராயா திறந்த இல்ல உபசரிப்பில் செய்தியாளர்களைச் சந்தித்த அசிஸ் கப்ராவி தெரிவித்தார்.
தற்போது நாடெங்கிலும் 50 கேமராக்கள் வைக்கப்பட்டிருக்கின்றன என்றும் அவர் குறிப்பிட்டார்.
