தோக்கியோ – ஜப்பான் தலைநகர் தோக்கியோவில் நடைபெறும் ஜப்பான் மற்றும் ஆசியான் சுகாதார அமைச்சர்களின் கூட்டு மாநாட்டில் சுகாதார அமைச்சர் டத்தோஸ்ரீ டாக்டர் ச.சுப்ரமணியம் கலந்து கொண்டார்.
இன்று சனிக்கிழமை (15 ஜூலை 2017) காலையில் ஜப்பான்-ஆசியான் சுகாதார அமைச்சர்கள் மாநாட்டில் உரையாற்றிய டாக்டர் சுப்ரா, மலேசிய அரசாங்கம் அனைத்து தரப்பு மக்களுக்கும் எல்லா நிலைகளிலுமான சுகாதார சேவைகள் சென்றடைவதை உறுதி செய்யும் பல்வேறு நடவடிக்கைகள் எடுக்கப்பட்டு வருவதை தனது உரையில் சுட்டிக் காட்டினார்.
“அனைத்துலக அளவிலான சுகாதார சேவை வழங்குதலும் – முதுமையடையும் மக்கள் தொகையும்” என்ற கருப்பொருளில் இந்த மாநாடு தோக்கியோவில் நடைபெற்று வருகின்றது.
இன்று ஜப்பான் சுகாதார அமைச்சர் குழுவினருக்கும், மலேசியக் குழுவினருக்கும் இடையில் நடைபெற்ற பேச்சு வார்த்தைகளிலும் கலந்து கொண்ட டாக்டர் சுப்ரா ஜப்பான் சுகாதார அமைச்சருடன் சுகாதார சேவைகள் குறித்த புரிந்துணர்வு ஒப்பந்தம் ஒன்றிலும் கையெழுத்திட்டார்.
நன்றி: செய்தி – படங்கள்: drsubra.com
