Home நாடு கேசவன் பிகேஆர் உதவித் தலைவருக்குப் போட்டி

கேசவன் பிகேஆர் உதவித் தலைவருக்குப் போட்டி

1940
0
SHARE
Ad

கோலாலம்பூர் – சூடு பிடித்துள்ள பிகேஆர் கட்சித் தேர்தல்களில் ரபிசி ரம்லி துணைத் தலைவர் பதவிக்குப் போட்டியிடுவதாக அறிவித்துள்ளதைத் தொடர்ந்து அவரது அணியில் இடம் பெறும் தலைவர்கள் அடையாளம் காட்டப்பட்டுள்ளனர்.

ரபிசியின் முகநூல் பக்கத்தில் வெளியிடப்பட்ட முகப்பு புகைப்படத்தில் அவரது அணியில் இடம் பெறும் பிகேஆர் தலைவர்கள் அணி இடம் பெற்றுள்ளது. குறிப்பாக இந்தியத் தலைவர்களில் சுங்கை சிப்புட் நாடாளுமன்ற உறுப்பினர் கேசவன் சுப்பிரமணியம் மட்டுமே இடம் பெற்றுள்ளார்.

அதைத் தொடர்ந்து அவர் பிகேஆர் கட்சியின் உதவித் தலைவர் பதவிக்குப் போட்டியிடுவார் என எதிர்பார்க்கப்படுகிறது.

#TamilSchoolmychoice

ஊத்தான் மெலிந்தாங் சட்டமன்ற உறுப்பினராக இரண்டு தவணைகள் பணியாற்றிய கேசவன் 2018 பொதுத் தேர்தலில் சுங்கை சிப்புட் நாடாளுமன்றத்திற்கு பிகேஆர் கட்சி சார்பில் நிறுத்தப்பட்டு வெற்றி பெற்றார். மலாய் மொழியில் சிறந்த முறையில் புலமையோடு, மேடை உரை ஆற்றும் வல்லமை படைத்தவர் கேசவன் என பிகேஆர் கட்சி வட்டாரங்களில் அவர் பாராட்டப்படுகிறார்.