Home கலை உலகம் அரசியல் காரணமாக ‘இந்தியன் 2’ படம் நிறுத்தப்பட்டதாக வதந்தி!

அரசியல் காரணமாக ‘இந்தியன் 2’ படம் நிறுத்தப்பட்டதாக வதந்தி!

246
0
SHARE

சென்னை: ‘இந்தியன் 2’ திரைப்படம் பாதியிலேயே கைவிடப்பட்டதென்றும், நடிகர் கமல்ஹாசனின் நடிப்பில் அதிருப்தி அடைந்த இயக்குனர் ஷங்கர் படப்பிடிப்பை நிறுத்தி விட்டதாகவும் வசந்திகள் பரப்பப்பட்டு  வந்த நிலையில், அவை உண்மையற்ற வதந்திகள் என படக்குழுவினர் செய்தி வெளியிட்டுள்ளனர்.

கமல்ஹாசன், தீவிரமாக அரசியல் பணிகளில் ஈடுபட்டு வரும் வேளையில், அவரை நோக்கி இம்மாதிரியான வதந்திகள் பரப்பப்பட்டு வருவதாகக் கூறப்படுகிறது. கமல்ஹாசன் நடிக்கும் இந்தியன் 2 திரைப்படத்தின் படப்பிடிப்பு கடந்த மாதம் தொடங்கியது குறிப்பிடத்தக்கது.

லைகா நிறுவனத்தின் செய்தித் தொடர்பாளர் இது குறித்துப் பேசிய போது, கடந்த ஒரு வாரமாக சென்னை அரசு மருத்துவமனை அருகே உள்ள மெமோரியல் ஹாலில் முக்கியக் காட்சிகளை படமாக்கிவிட்டு , அடுத்தக் கட்டமாக, பல இடங்களில் அரங்குகள் அமைக்கப்பட்டு வருவதாகத் தெரிவித்தார்.     

Comments