புது டில்லி: உலகிலேயே பெரிய ஜனநாயகநாடான இந்தியாவின் 17-வது மக்களைவைத் தேர்தல் நாளை வியாழக்கிழமை தொடங்க உள்ளது. 20 மாநிலங்களில் 91 மக்களவைத் தொகுதிகளுக்கான முதல்கட்ட வாக்குப்பதிவு நாளை காலை தொடங்க உள்ளது.
இந்தத் தேர்தலானது வருகிற மே 19-ஆம் தேதி வரையிலும் ஏழு கட்டங்களாக நடைபெற உள்ளது.
மக்களவைத் தேர்தலுடன், ஆந்திரா, சிக்கிம், அருணாச்சல பிரதேசம் ஆகிய மாநிலங்களில் நாளை சட்டமன்றத் தேர்தலும் நடைபெற உள்ளது. மேலும், ஒடிசாவில் நாளை முதல்கட்ட சட்டமன்ற தேர்தல் நடைபெறுகிறது.
ஆந்திரா, அருணாச்சல பிரதேசம், அஸ்சாம், பிகார், சத்தீஷ்கார், ஜம்மு காஷ்மீர், மகாராஷ்டிரா, மணிப்பூர், மேகாலயா, மிசோரம், நாகலாந்து, ஒடிசா, சிக்கிம், தெலங்கானா, திரிபுரா, உத்தர பிரதேசம், உத்தரகாண்ட், மேற்கு வங்கம், அந்தமான் ஆகிய மாநிலங்களில் நாளை வாக்குப்பதிவு நடைபெறுகிறது.
