Home இந்தியா தமிழகத்தில் காலியாக உள்ள 4 தொகுதிகளுக்கு மே 19-இல் இடைத்தேர்தல்!

தமிழகத்தில் காலியாக உள்ள 4 தொகுதிகளுக்கு மே 19-இல் இடைத்தேர்தல்!

184
0
SHARE

சென்னை: இந்திய நாடு முழுவதும் தேர்தலை எதிர் நோக்கி உள்ள நிலையில், 543 தொகுதிகளில் தேர்தல் நடக்க இருக்கிறது. ஏழு கட்டமாக தேர்தல் நடத்தப்பட்டு, மே 23-ஆம் தேதி ஓட்டுகள் எண்ணப்பட்டு, அன்றைய தினமே முடிவுகள் அறிவிக்கப்படும் என தேர்தல் ஆணையம் தெரிவித்திருந்தது.

இதற்கிடையே, தமிழகத்தில் காலியாக உள்ள நான்கு தொகுதிகளுக்கும் வருகிற மே 19-ஆம் தேதி இடைத்தேர்தல் நடைபெறும் என தேர்தல் ஆணையம் அதிகாரப்பூர்வமாக அறிவித்துள்ளது.

தமிழகம் மற்றும் புதுச்சேரியில் மொத்தமுள்ள 40 மக்களவை தொகுதிகளுக்கு வருகிற ஏப்ரல் 18-ஆம் தேதி ஒரே கட்டமாக வாக்குப்பதிவு நடைபெறுகிறது.  மேலும், தமிழகத்தில் காலியாக உள்ள 18 சட்டமன்ற தொகுதிகளுக்கும் அன்றைய தினமே இடைத் தேர்தல் நடத்தப்படுகிறது.

இந்நிலையில், திருப்பரங்குன்றம், ஓட்டப்பிடாரம், அரவக்குறிச்சி மற்றும் சமீபத்தில் காலியான சூலூர் சட்டப்பேரவை தொகுதிகளுக்கு வருகிற மே 19-ஆம் தேதி இடைத்தேர்தல் நடைபெறும் என அறிவிக்கப்பட்டுள்ளது. அதன்படி வரும் ஏப்ரல் 22-ஆம் தேதி இந்த நான்கு தொகுதிகளுக்கும் வேட்புமனு தாக்கல் தொடங்குகிறது.

Comments