மான்செஸ்டர் (இங்கிலாந்து) – (மலேசிய நேரம் இரவு 11.10 நிலவரம்) மிகுந்த எதிர்பார்ப்புடன் இன்று தொடங்கிய இந்தியா – பாகிஸ்தான் இடையிலான ஆட்டம் மழையின் இடையூறு இல்லாமல் நிர்ணயித்தபடி தொடங்கியது.
நாணயத்தைச் சுண்டிப்போட்டதில் வெற்றி பெற்ற பாகிஸ்தான், பந்து வீச்சைத் தேர்ந்தெடுத்தது. அதைத் தொடர்ந்து விளையாடிய இந்தியா, 50 ஓவர்களையும் நிறைவு செய்து 5 விக்கெட்டுகளை மட்டும் இழந்து, 336 ஓட்டங்கள் எடுத்தது.
இடையில் மழையினால் சிறிது நேரம் ஆட்டம் தடைப்பட்டாலும், இந்தியா தொடர்ந்து ஆடி 50 ஓவர்களையும் நிறைவு செய்தது.
மீண்டும் மழை பெய்த காரணத்தால் ஆட்டம் தொடருமா என்ற ஏமாற்றம் இரசிகர்களிடையே நிலவியது.
எனினும், கொஞ்ச நேரத்தில் மழை நின்றுவிட்டதால், ஆட்டம் தொடர்ந்தது.
தற்போது இரண்டாவது பாதி ஆட்டத்தில் இந்தியா பந்து வீச, பாகிஸ்தான் இதுவரையில் 1 விக்கெட்டை இழந்து 25 ஓட்டங்கள் எடுத்திருக்கிறது.
337 ஓட்டங்கள் எடுத்தால் வெற்றி என்ற இலக்குடன் பாகிஸ்தான் தொடர்ந்து விளையாடி ஓட்டங்கள் எடுத்து வருகிறது.
