துபாய், ஜன 6- உலகின் செல்வ வளமை மிகுந்த நாடுகளில் ஒன்றான துபாயில் ‘இன்ஃபினிட்டி ஷாப்பிங் ஃபெஸ்ட்டிவல்-2014’ என்ற பெயரில் வர்த்தக திருவிழா நடைபெற்று வருகிறது.
இங்கு வரும் பார்வையாளர்கள் நாள்தோறும் இந்த வர்த்தக திருவிழாவில் விற்கப்படும் குலுக்குச்சீட்டுகளை ஆர்வமுடன் வாங்கி செல்கின்றனர். குலுக்கல் முறையில் அதிர்ஷ்டசாலிகள் தேர்ந்தெடுக்கப்பட்டு அவர்களுக்கு பிரம்மாண்டமான பரிசுகள் வழங்கப்படுகின்றன.
10 ஆண்டுகளாக துபாயில் தையற்காரராக வேலை செய்துவரும் இந்தியரான ஃபசலுதீன் குட்டிபாலக்கல்(33) என்பவருக்கு இரண்டாம் நாள் நடைபெற்ற குலுக்கலில் முதல் பரிசு கிடைத்துள்ளது. ‘இன்ஃபினிட்டி’ நிறுவனத்தின் 2 அதிநவீன சொகுசு கார்களுடன் 1 லட்சம் திர்ஹம் ரொக்கமும் இவருக்கு பரிசாக கிடைத்துள்ளன என்பது குறிப்பிடதக்கது.
