டெல்லி, மே 10 – நாடாளுமன்றத் தேர்தலில் யாருக்கும் வாக்களிக்காமல் நடுநிலை வகிக்க குடியரசுத் தலைவர் பிரணாப் முகர்ஜி முடிவெடுத்துள்ளதாகத் தகவல் வெளியாகியுள்ளது.
நாட்டின் 14- வது குடியரசுத் தலைவர் பிரணாப் முகர்ஜியின் பெயர் முகவரி தெற்கு கொல்கத்தாவில் உள்ளது. அவர் வாக்களிக்க அங்குதான் செல்லவேண்டும்.
தெற்கு கொல்கத்தா நாடாளுமன்றத் தொகுதிக்கு வருகிற 12-ஆம் தேதி வாக்குப்பதிவு நடைப்பெறவுள்ளது. தபால் மூலம் வாக்களிக்க பிரணாப் முகர்ஜி திட்டமிட்டிருந்ததாகவும், ஆனால் இப்போது யாருக்கும் வாக்களிக்காமல் நடுநிலை வகிக்க முடிவெடுத்துள்ளதாகவும் தகவல்கள் வெளியாகியுள்ளன.
நாட்டின் குடியரசுத் தலைவர் எந்தக் கட்சியையும் சேராதவர், நடுநிலை வகிப்பவர் என்கிற முறையில் கடந்த காலத்தில் சில குடியரசுத் தலைவர்கள் வாக்களிக்காமல் இருந்ததுண்டு என்கிற அடிப்படையில், பிரணாப் முகர்ஜியும் தற்போது வாக்களிக்காமல் நடுநிலை வகிப்பார் என்று தெரிய வருகிறது.
