கோலாலம்பூர் – நேபாள் – சீனாவின் கூட்டுமுயற்சியில் உருவாகியிருக்கும் ஹிமாலயா ஏர்லைன்ஸ் என்ற புதிய விமானம், வரும் பிப்ரவரி 10-ம் தேதி முதல் நேபாளத் தலைநகர் காத்மாண்டுவிலிருந்து மலேசியத் தலைநகர் கோலாலம்பூருக்கு புதிய விமானத்தை இயக்கவுள்ளது.
இவ்விமானச் சேவை வாரத்தில் 5 நாட்கள் இயங்கவுள்ளது. கோலாலம்பூர் – காத்மாண்டு இடையிலான இருவழிப் பயணத்திற்கான அடிப்படை விலை 1,035 ரிங்கிட்டிலிருந்து தொடங்குகிறது.
மலேசிய சுற்றுலாப் பயணிகளோடு, இங்கிருக்கும் 450,000 நேபாளத் தொழிலாளர்களை அடிப்படையாக வைத்து இந்த விமானச் சேவை அறிமுகப்படுத்தப்பட்டுள்ளது.
தற்போது ஏர்ஆசியா எக்ஸ், மலேசியா ஏர்லைன்ஸ், மலிண்டோ ஏர் மற்றும் நேபாள் ஏர்லைன்ஸ் ஆகிய விமானங்கள் காத்மாண்டுவிற்கு நேரடிப் பயண சேவையை அளித்து வருவது குறிப்பிடத்தக்கது.
