சென்னை – இன்று திங்கட்கிழமை மாலை 6.00 மணியளவில் மிகவும் இறுக்கமான சூழ்நிலையில் அதிமுக சட்டமன்ற உறுப்பினர்களின் கூட்டம் நடைபெற்று முடிந்திருக்கின்றது.
இருப்பினும், இந்தக் கூட்டத்தில் என்ன முடிவுகள் எடுக்கப்பட்டன என்பது இதுவரை அறிவிக்கப்படவில்லை.
இந்தக் கூட்டத்திற்கு அதிமுக அவைத் தலைவர் மதுசூதனன் தலைமை தாங்கினார்.
அடுத்த முதல்வராகத் தேர்ந்தெடுக்கப்படுவார் என எதிர்பார்க்கப்படும் ஓ.பன்னீர் செல்வம் இந்தக் கூட்டத்தில் கலந்து கொள்ளவில்லை. அவர் அப்போலோ மருத்துவமனையிலேயே இருந்தார் எனத் தகவல்கள் தெரிவிக்கின்றன.
