கோலாலம்பூர், மார்ச் 31 – மூத்த சமூக ஆர்வலரான ஐரின் பெர்னாண்டஸ் இருதயக் கோளாறு காரணமாக இன்று காலமானார். அவருக்கு வயது 67.
தெனாகானிதா என்ற அரசு சாரா அமைப்பின் நிறுவனரான ஐரின், மூச்சுத் திணறல் காரணமாக கடந்த செவ்வாய் கிழமை முதல் செர்டாங் மருத்துவமனையில் அனுமதிக்கப்பட்டார்.
இருப்பினும், சிகிச்சை பலனின்றி இன்று காலை 10.58 மணியளவில் அவர் காலமானார்.
அவரது நல்லுடல் இன்று சிரம்பானில் உள்ள அவரது இல்லத்திற்கு கொண்டு செல்லப்படும் என்று தெரிவிக்கப்பட்டுள்ளது.
