Home அவசியம் படிக்க வேண்டியவை அதிக பார்வையாளர்களைக் கொண்ட செய்தி இணையத்தளங்களில் ‘தி ஸ்டார் ஆன்லைன்’ முதலிடம்!

அதிக பார்வையாளர்களைக் கொண்ட செய்தி இணையத்தளங்களில் ‘தி ஸ்டார் ஆன்லைன்’ முதலிடம்!

472
0
SHARE
Ad

main_0906_topwebsite_aalpdfகோலாலம்பூர், ஜூன் 9 – கடந்த ஏப்ரல் மாதத்தில், மக்களால் அதிகம் பார்வையிடப்பட்ட செய்தி இணையத்தளமாக ‘தி ஸ்டார் ஆன்லைன்’ அறிவிக்கப்பட்டுள்ளது. இந்த அறிவிப்பை மலேசியன் டிஜிட்டல் அசோசியேஷன் (Malaysian Digital Association – MDA) நிறுவனம் வெளியிட்டுள்ளது.

அந்நிறுவனத்தின் ஏப்ரல் மாத அறிக்கையின் படி, மக்களால் அதிகம் பார்வையிடப்பட்ட மலேசியாவிலுள்ள  செய்தி இணையத்தளத்தளங்களில்  ‘தி ஸ்டார் ஆன் லைன்’ இணையத்தளத்திற்கு முதல் இடமும், மொத்தமுள்ள 30 உள்நாட்டு இணையத்தளங்களில் 5 வது இடமும் கிடைத்துள்ளது.

இதன் மூலம்  ‘தி ஸ்டார் ஆன் லைன்’ இணையத்தளம் மலேசியாகினி இணையத்தளத்தை முந்தி முதல் இடத்தைப் பிடித்துள்ளது.

#TamilSchoolmychoice

தி ஸ்டார் இணையத்தளம் 971,000 தனிப்பட்ட பார்வையாளர்களை பெற்று முதல் இடத்தையும், மலேசியாகினி இணையத்தளம் 897,000 தனிப்பட்ட பார்வையாளர்களை பெற்று இரண்டாவது இடத்தையும், தி மலேசியன் இன்சைடர் 789,000 பார்வையாளர்களைப் பெற்று 9 வது இடத்தையும், தி மலாய் மெயில் இணையத்தளம் 318,000 பார்வையாளர்களைப் பெற்று கடைசி இடத்தையும் பிடித்துள்ளது.

மலேசியாவில் உள்ள இணையத்தளங்களை மக்கள் எந்த அளவிற்கு பயன்படுத்துகிறார்கள் என்பதை கணக்கிடும் அமைப்பாக இந்த மலேசியன் டிஜிட்டல் அசோசியேஷன் நிறுவனம் கடந்த 2009 -ம் ஆண்டு முதல் செயல்பட்டு வருகின்றது.

ஏப்ரல் மாதத்தில் மலேசியாவில் உள்ள மொத்தம் 30 உள்ளூர் இணையத்தளங்களில் மக்களால் அதிகம் பார்வையிடப்பட்டதில் மலாயா வங்கியின் www.maybank2u.com.my இணையத்தளம் முதல் இடத்தையும், மூடா.காம் (Mudah.my) இரண்டாவது இடத்தையும், சிம்ப்கிளிக்ஸ் ( cimbclicks.com.my) மூன்றாவது இடத்தையும், ஏர்ஏசியாவின் (Airasia.com) நான்காவது இடத்தையும் பிடித்துள்ளது குறிப்பிடத்தக்கது.