Home Featured கலையுலகம் திரைப்பட விழாவில் மொழி அடிப்படையில் மலேசியப் படங்களைப் பிரிப்பதா ? – மஇகா கண்டனம்!

திரைப்பட விழாவில் மொழி அடிப்படையில் மலேசியப் படங்களைப் பிரிப்பதா ? – மஇகா கண்டனம்!

195
0
SHARE

Dr Subra - MIC PRESIDENTகோலாலம்பூர் – திரைப்படத் தணிக்கை வாரியத்தின் இவ்வாண்டு திரைப்பட விழாவில்  சிறந்த படம் , சிறந்த திரைக்கதை,சிறந்த இயக்குநர் ஆகியவற்றுக்கான விருதுகள்  மொழி அடிப்படையில் வழங்கவிருப்பதை மஇகா கண்டிக்கிறது என ம.இ.கா தேசிய தலைவர்  டத்தோஶ்ரீ டாக்டர் எஸ். சுப்ரமணியம் தெரிவித்துள்ளார்.

இது குறித்து அவர் இன்று வெளியிட்டுள்ள அறிக்கையில் கூறியிருப்பதாவது:-

“ஒரு தேசியத் திரைப்பட வாரியம் மொழி அடிப்படையில் விருது வழங்குவதன் நோக்கம் தான் என்ன? மலேசிய ரசிகர்களால் பாராட்டப்பட்ட “ஓலா போலா” மற்றும் ‘ஜகாட்’ போன்ற திரைப்படங்கள்  தேசிய மொழி தேர்வில் முன்மொழியப்படாதது வருத்தத்தை அளிக்கிறது.”

Jagat“அவை மற்ற மொழிகளுக்கான விருதில் முன்மொழியப்படும் என கூறப்படுகிறது. நாட்டின் ஒற்றுமைக்கு விளையாட்டு , இசை முக்கிய பங்காற்றுகிறது. இவற்றில் மலேசியர்கள் என்ற அடையாளம் தான் முக்கியம்.”

“ஆகவே இவ்வாண்டு திரைப்பட விழாவில் மொழி அடிப்படையில் பிரிக்க வேண்டாம் என  மஇகா  வலியுறுத்துகிறது.ஏனென்றால் இவை திரைப்படத் துறையில் ஈடுபடுவோருக்கு சுணக்கத்தையே  ஏற்படுத்தும் . கலைத்துறை ஒற்றுமையையும் புரிந்துணர்வையும் வளர்ப்பதற்கு மற்ற துறைகளுக்கு முன்னுதாரணமாக விளங்குகிறது என்பது எவரும் மறுக்க இயலாது.” என்று டாக்டர் சுப்ரா தெரிவித்துள்ளார்.

 

Comments