Home One Line P2 அமமுக பிரமுகர் புகழேந்தி மீண்டும் அதிமுகவில் இணைந்தார்

அமமுக பிரமுகர் புகழேந்தி மீண்டும் அதிமுகவில் இணைந்தார்

551
0
SHARE

சென்னை – ஜெயலலிதாவின் மறைவைத் தொடர்ந்து டிடிவி தினகரன் தலைமையிலான அமமுக கட்சியில் இணைந்து அரசியல் பணியாற்றி வந்த அதிமுக பிரமுகர் புகழேந்தி (படம்), டிடிவி தினகரனிடம் இருந்து விலகுவதாகவும் மீண்டும் எடப்பாடி பழனிசாமி மற்றும் ஓ.பன்னீர் செல்வம் தலைமையிலான அதிமுக பாசறைக்கே திரும்புவதாகவும் இன்று ஞாயிற்றுக்கிழமை அறிவித்தார்.

தினகரனின் தீவிர ஆதரவாளராக இயங்கி வந்ததோடு, தொலைக் காட்சி விவாதங்களிலும், ஊடகங்களிலும் தீவிரமாகப் பங்கேற்று அமமுகவையும் தினகரனையும் தற்காத்தும் ஆதரித்தும் வந்த புகழேந்தி அணியினர், மீண்டும் அதிமுகவுக்கு திரும்புவது தினகரனுக்கு பெரும் பின்னடைவாகப் பார்க்கப்படுகிறது.

ஏற்கனவே, பல முக்கியத் தலைவர்கள் அமமுகவிலிருந்து விலகி திமுகவிலும், அதிமுகவிலும் இணைந்திருக்கின்றனர்.

இதனைத் தொடர்ந்து புகழேந்தியும் அத்தகைய முடிவை எடுத்து அதிமுகவில் இணைவது எடப்பாடி பழனிசாமியின் தலைமைத்துவத்திற்கு அதிகரித்துவரும் ஆதரவைப் புலப்படுத்துவதாக இருப்பதாக தமிழக ஊடகங்கள் தெரிவிக்கின்றன.

Comments