கோலாலம்பூர்: கட்சியின் 192.9 மில்லியன் ரிங்கிட் வெளியிடத் தவறியதற்காக சிஐஎம்பி வங்கிக்கு எதிரான நீதிமன்ற அவமதிப்பு விண்ணப்பத்தை அம்னோ திரும்பப் பெற்றது.
பணத்தைத் திருப்பித் தருமாறு அரசு தரப்பு கோரிக்கையை மேல்முறையீட்டு நீதிமன்றம் வெள்ளிக்கிழமை நிராகரித்ததையடுத்து இந்த முடிவு எடுக்கப்பட்டுள்ளது.
கோலாலம்பூர் உயர்நீதிமன்றம் பிப்ரவரி 7-ஆம் தேதி உத்தரவிட்டதற்கு எதிராக, மேல்முறையீட்டு நீதிமன்றத்தில் தற்காலிக ஒத்திவைப்புக்கு அரசு தரப்பு கோரிக்கை விடுத்தது.
இன்று காலை உயர்நீதிமன்ற நீதிபதி முகமட் சைய்னி மஸ்லான் முன்னிலையில், நீதிமன்ற விசாரணையின்போது, அம்னோ வழக்கறிஞர் டானியா ஸ்கிவெட்டி, சிஐஎம்பி வங்கிக்கு எதிரான நீதிமன்றத்தின் அவமதிப்பு நடவடிக்கையை திரும்பப் பெற உத்தரவிடப்பட்டதாக அறிவித்தார்.
“சிஐஎம்பி வங்கிக்கு எதிராக அவமதிப்பு செயல்முறையை திரும்பப் பெற எங்களுக்கு உத்தரவு கிடைத்துள்ளது.” என்று ஸ்கிவெட்டி நீதிமன்றத்தில் தெரிவித்தார்.
முன்னதாக ஜூன் மாதத்தில், சிஐஎம்பி வங்கிக்கு எதிராக 192.9 மில்லியன் ரிங்கிட் தொகையை கட்சிக்கு திருப்பித் தரத் தவறியதற்காக அம்னோ வழக்கு தொடர்ந்தது.
ஜூன் 19 அன்று, கோலாலம்பூர் உயர்நீதிமன்றம் 192.9 மில்லியன் ரிங்கிட் தொகையை மீண்டும் திரும்பத் தருவது குறித்த அரசு தரப்பு கோரிக்கையை தள்ளுபடி செய்தது.
இன்று நடந்த நடவடிக்கைகளின் போது, சிஐஎம்பி வங்கி அம்னோவுக்கு இந்த நிதியை அணுக அனுமதி வழங்கி உள்ளதாக அதன் வழக்கறிஞர் ரவீந்திர நாதன் நீதிமன்றத்திற்கு விளக்கமளித்தார்.
வெள்ளிக்கிழமை பிற்பகல் 2.20 மணியளவில் அம்னோவுக்கு இந்த அனுமதி வழங்கப்பட்டதாக அவர் கூறினார்.
இதற்கிடையில், கடந்த வாரம் மேல்முறையீட்டு நீதிமன்றத்தின் தீர்ப்பைத் தொடர்ந்து அவர்களின் விண்ணப்பத்தை திரும்பப் பெறுமாறு அம்னோ கோரியதாக டானியா கூறினார்.
வெள்ளிக்கிழமை பிற்பகல் 2.22 மணி முதல் அம்னோவுக்கு 192.9 மில்லியன் ரிங்கிட் பணத்தை அணுக அனுமதித்ததையும் அவர் உறுதிப்படுத்தினார்.
இதற்கிடையில், உயர்நீதிமன்ற நீதிபதி முகமட் சைய்னி மஸ்லான், 1எம்டிபி விசாரணையில் எம்ஏசிசி முடக்கிய நிதியைத் திருப்பித் தருமாறு அரசு தரப்பு விண்ணப்பத்தை தள்ளுபடி செய்திருந்தார். 192 மில்லியன் ரிங்கிட் பணத்தை வைத்திருக்கும் அம்னோஅப்பணத்தை மீட்டெடுக்க அவர் அனுமதித்தார்.
பிப்ரவரி மாதம், உயர் நீதிமன்றம் 1எம்டிபியிலிருந்து பெறப்பட்ட சட்டவிரோத வருமானத்தில் இருந்து வந்தது என்று தீர்ப்பளித்த பின்னர், 194 மில்லியன் ரிங்கிட் பறிமுதல் செய்ய வேண்டும் என்ற வழக்கை நிராகரித்தது.
