கோலாலம்பூர், ஏப்ரல் 15- எதிர்வரும் 20.4.2013 தேதி சனிக்கிழமை இரவு 7.30 மணியளவில் செமினி பொது மண்டபத்தில் சிலம்பக் கோர்வை கழக மாணவர்களின் சிலம்ப அரங்கேற்ற விழா மனித நேய மாமணி ரத்னவள்ளி அவர்களின் தலைமையில் மிகச் சிறப்பாக நடைபெறவுள்ளது.
இந்நிகழ்வில் 8 ஆண்டுகள் சிலம்ப கலையை முறையாகவும் கட்டொழுங்குடனும் கற்று தேர்ச்சி பெற்ற 10 மாணவர்களுக்கு கருப்பு பட்டயமும் கேடயமும் வழங்கி சிறப்பிக்கப்படும்.
இவ்வரங்கேற்ற விழாவிற்கு அகில இந்திய ‘கராத்தே டோ’ சங்கத்தின் தலைவரும் , சென்னை நகரின் முன்னாள் மேயருமாகிய கராத்தே தியாகராஜன், மலேசிய சிலம்ப கலையின் சிற்பி மகாகுரு ஸ்ரீ சு.ஆறுமுகம் மற்றும் பல ஆசிரியர்களும் பிரமுகர்களும் கலந்து சிறப்பிக்கவுள்ளனர்.
இவ்விழாவின் ஏற்பாட்டுக் குழு தலைவர் சிலம்ப ஆசிரியர் கு.அன்பரசன், பொதுமக்கள் அனைவரையும் இந்நிகழ்வில் கலந்து சிறப்பிக்குமாறு கேட்டுக் கொள்கிறார்.
மேல் விவரங்களுக்கு, கு. அன்பரசன் 012-3386797 என்ற எண்களின் வழி தொடர்பு கொள்ளலாம்.
