கோலாலம்பூர், அக் 23 – உலகின் பலராலும் பெரிதும் எதிர்பார்க்கப்பட்ட ஆப்பிள் நிறுவனத்தின் அக்டோபர் மாத ஊடக நிகழ்வு இன்று சான் பிரான்சிஸ்கோவில் நடைபெறவுள்ளது.
இந்நிகழ்வு பசுபிக் நேரப்படி காலை 10 மணிக்கும், கிழக்கத்திய நேரப்படி 1 மணிக்கும் தொடங்கவுள்ளது.
ஆப்பிள் நிறுவனம் இந்நிகழ்வில் தனது புதிய தயாரிப்புக்களான ஐபாட், புதிய ரெட்டினா மேக்புக் செயலிகள் மற்றும் புதிய ஐலைப், ஐ வொர்க் மென்பொருள்கள் ஆகியவற்றை அறிமுகப்படுத்தவுள்ளது.
அதேநேரத்தில் மாற்றியமைக்கப்பட்ட மேக் செயலி (Mac Pro) மற்றும் மேக் செயலியின் புதிய இயக்க முறைமை (OS X Mavericks) ஆகியவற்றையும் அறிமுகப்படுத்தவுள்ளது.
மேலும் ஆப்பிள் நிறுவனம் இந்நிகழ்வை மேக் மற்றும் ஐஓஎஸ் பயனாளர்கள், ஆப்பிள் டிவி என அனைவருக்கும் தங்களது வலைத்தளத்தின் மூலம் நேரடியாக ஒளிபரப்புகிறது என்பது குறிப்பிடத்தக்கது.
