சென்னை, டிசம்பர் 21- பிரதமர் வேட்பாளராக என்னை தெரிவு செய்வது அதிமுகவினரின் விருப்பம் என்று தமிழக முதல்வர் ஜெயலலிதா தெரிவித்துள்ளார்.
சென்னையை அடுத்த ஸ்ரீவாரு வெங்கடாசலபதி மாளிகையில் அ.தி.மு.க. செயற்குழு, பொதுக்குழு கூட்டம் நடைபெற்றது.
கூட்டம் நிறைவடைந்த பிறகு மண்டபத்திற்கு வெளியே அக்கட்சியின் பொதுச்செயலாளர் ஜெயலலிதா நிருபர்களுக்கு பேட்டி அளித்தார்.
கேள்வி: வரும் நாடாளுமன்ற தேர்தலில் கூட்டணி அமைத்து போட்டியிடுவீர்களா?
பதில்: கூட்டணி குறித்து உரிய நேரத்தில் முடிவு எடுக்கப்படும். அதற்கான அதிகாரத்தை கட்சி எனக்கு வழங்கியுள்ளது.
கேள்வி: உங்களை பிரதமர் வேட்பாளர் என்று சொல்லுகிறார்களே?
பதில்: அது எங்களது கட்சியினரின் விருப்பம். அதை பற்றி நான் இப்போது சொல்வதற்கு இல்லை.
கேள்வி: வரும் நாடாளுமன்ற தேர்தலில் அ.தி.மு.க.வின் தேர்தல் முழக்கம் என்னவாக இருக்கும்?
பதில்: அமைதி, வளம், வளர்ச்சி இது எங்கள் தேர்தல் கோரிக்கையாக இருக்கும் என்று கூறியுள்ளார்.
