சென்னை, ஜூலை 22- கலைப்புலி எஸ்.தாணு தயாரிப்பில் அட்லீ இயக்கும் புதுப்படத்தில் விஜய்க்கு வில்லனாக நடிக்க இயக்குநர் பாரதிராஜா மறுத்துவிட்டார்.
விஜய் கதாநாயகனாகவும், சமந்தா- எமி ஜாக்சன் இருவரும் கதாநாயகிகளாகவும் நடிக்கும் இப்படத்தின் படப்பிடிப்பு சென்னையில் நடைபெற்று வருகிறது.
இதில் விஜய்க்கு வில்லனாகப் புதுமையான தோற்றத்தில், இதுவரை வில்லனாக நடிக்காத ஒருவர் நடித்தால் நன்றாக இருக்கும் என எண்ணினார் அட்லீ.
இயக்குநர் பாரதிராஜா அதற்குப் பொருத்தமாக இருப்பார் எனத் தோன்றியது.
இதற்காக இயக்குநர் பாரதிராஜாவை அணுகிய போது, “என்னது விஜய்க்கு வில்லனா? நானா? ஏதோ மணிரத்னம் படத்தில், சுசீந்திரன் படத்தில் வித்தியாசமான வேடம் என்பதால் நடித்தேன். விஜய்க்கு வில்லன் என்பதெல்லாம் சரிப்படாது; வாய்ப்பே இல்லை” என்று பாரதிராஜா பிடிவாதமாக மறுத்துவிட்டார்.
