சென்னை, ஆகஸ்ட் 20- விஜய்யின் புலி பட முன்னோட்டக் காட்சி (trailer) நேற்று நள்ளிரவு வெளியானதிலிருந்து, டுவிட்டரில் #MajesticPuliTrailer (கம்பீரமான புலி ட்ரெய்லர்) என்ற வார்த்தை பட்டையைக் கிளப்பிக் கொண்டிருக்கிறது.
பலரும் டுவிட்டரில் புலி ட்ரெய்லரைப் பற்றிப் பேசி வருகிவதால் #MajesticPuliTrailer என்ற வார்த்தை ஒரு trend –ஆகிக் கொண்டிருக்கிறது.
அதேபோல், யூடியூப் இணையதளத்தில் முன்னணிப் படங்களின் டிரெய்லர் வெளியிட்டால், அதிகமான like கொடுத்து அதை வெற்றிகரமானதான ஆக்குவதென்பது இப்போது வழக்கமாகி விட்டது.
இந்தப் பாணியை முதலில் தொடங்கி வைத்தது ரஜினிகாந்தின் கோச்சடையான் படம் தான். அதன் பிறகு கத்தி, என்னை அறிந்தால், ஐ படங்களின் முன்னோட்டக் காட்சிகள் பல்லாயிரக்கணக்கான like-ஐப் பெற்றுச் சாதனை படைத்தன.
விக்ரமின் ஐ பட டிரெய்லர் 24 மணி நேரத்தில் 41,000 பேர் like செய்ததும், அஜித் நடித்த என்னை அறிந்தால் டிரெய்லர் 40,000 பேர் like செய்ததும் தான் சாதனையாக இருந்து வந்தது.
ஆனால், அந்தச் சாதனையை 10 மணி நேரத்திற்குள் 40,000க்கும் மேற்பட்ட likes-ஐ அள்ளி புலி பட டிரெய்லர் முறியடித்திருக்கிறது.
