கோலாலம்பூர் – மலேசிய நடிகையும், அனைத்துலக அழகிப் போட்டிகளில் வெற்றி வாகை சூடியவருமான கவிதா சித்துவிற்கும், இத்தாலியைச் சேர்ந்த புவியியல் வல்லுநரான ரோபர்ட்டோ குயியாத்தி என்பவருக்கும் நேற்று திருமணம் நடந்தது.
அவர்களின் திருமண வரவேற்பு நேற்று வெள்ளிக்கிழமை இரவு தலைநகரில் உள்ள கிராண்ட் ஹயாட் தங்கும் விடுதியில் கோலாகலமாக நடைபெற்றது.
8 ஆண்டுகளுக்கு முன்னர் ரோபர்ட்டோவை சந்தித்த கவிதா, அவருடன் நட்புடன் பழகி வந்துள்ளார்.
இந்நிலையில், கடந்த ஆண்டு ஜூலை மாதம் புக்கெட்டிற்கு சுற்றுலா சென்ற போது, ரோபர்ட்டோ கவிதாவிடம் தனது காதலைத் தெரிவித்துள்ளார்.
இதனிடையே, கவிதாவின் தந்தையான டத்தோ டாக்டர் ஜோகிந்தர் சிங்கும், டத்தின் டாக்டர் பிரபா ஜோகிந்தர் சிங்கும் திருமண வரவேற்பை சிறப்பாக வழிநடத்தினர்.
இந்தத் திருமண வரவேற்பில் மலேசியாவின் முக்கியப் புள்ளிகளும், பிரபலங்களும், தொழிலதிபர்களும் கலந்து கொண்டனர்.
