பெங்களூரு – கடந்த சில நாட்களுக்கு முன்பு கர்நாடக மாநிலம் பெங்களூரில், தனியார் பள்ளி ஒன்றில் சிறுத்தை ஒன்று சுற்றித் திரிந்தது.
பின்னர், அதை வனத்துறையினர் 14 மணி நேரப் போராட்டத்திற்குப் பிறகு பிடித்தனர். இந்த நடவடிக்கையின் போது 3 பேர் சிறுத்தை தாக்கி காயமடைந்தனர்.
இந்நிலையில், அதே பள்ளியில் மேலும் ஒரு சிறுத்தையை நேற்று இரவு பார்த்ததாக சிலர் வனத்துறையினருக்குத் தகவல் தெரிவித்துள்ளன. இதனால் இன்று அப்பள்ளிக்கு விடுமுறை அளிக்கப்பட்டது.
கண்காணிப்பு கேமரா மூலம் அதன் நடமாட்டத்தைக் கண்டறிந்து பிடிக்கும் நடவடிக்கையில் தற்போது அதிகாரிகள் ஈடுபட்டுள்ளனர்.
இதனையடுத்து, அப்பகுதி பொதுமக்களுக்கு வனத்துறையினர் கடும் எச்சரிக்கை விடுத்துள்ளனர். கதவு, ஜன்னல் ஆகியற்றை பூட்டி வைக்குமாறு அறிவுறுத்தியுள்ளனர்.
