புதுடில்லி – நேற்று சனிக்கிழமை ஏப்ரல் 1-ஆம் தேதி மஇகா தேசியத் தலைவரும், சுகாதாரத் துறை அமைச்சருமான டத்தோஸ்ரீ டாக்டர் ச.சுப்ரமணியத்தின் பிறந்த நாளாகும்.
கடந்த ஆண்டு தனது 63-வது பிறந்த நாளை கோலாலம்பூரில், மஇகா தலைமையகத்தில் கட்சியினரோடுக் கொண்டாடிய அவர் இந்த முறை புதுடில்லியில் தனது 64-வது பிறந்த நாளைக் கொண்டாடினார்.
ஆனால், கொண்டாட்டங்கள் என்பதற்கு பதிலாக, பிரதமர் நஜிப் துன் ரசாக்கின் இந்திய வருகைக்கான அதிகாரபூர்வ குழுவில் இடம் பெற்றிருந்ததால், பல்வேறு சந்திப்புகள், அதிகாரபூர்வ நிகழ்ச்சிகள் என நேற்றைய அவரது பிறந்த நாள் கடந்து சென்றது.
புதுடில்லியில் டாக்டர் சுப்ராவின் சந்திப்புகள் குறித்த படக் காட்சிகள்:
மீண்டும் மோடியுடன் – 2015-ஆம் ஆண்டின் இறுதியில் நரேந்திர மோடியின் மலேசிய வருகையின் போது உடன்செல்லும் அமைச்சராக மோடியுடன் பல நிகழ்ச்சிகளில் கலந்து கொண்ட சுப்ரா, நேற்று மீண்டும் மோடியைச் சந்தித்து அளவளாவினார்…
இந்திய அதிபர் பிரணாப் முகர்ஜியுடன் நஜிப் நடத்திய சந்திப்பின்போது டாக்டர் சுப்ரா…
நஜிப்பின் அதிகாரபூர்வ குழுவில் இணைந்திருக்கும், அரசாங்க அதிகாரிகள், அமைச்சர்களுடன் டாக்டர் சுப்ரா…
அதிபர் பிரணாப் முகர்ஜியைச் சந்திக்கிறார் சுப்ரா….
புதுடில்லியில் பிரதமரின் அதிகாரத்துவ நிகழ்ச்சி ஒன்றில் பிரதமருடன் …
-செல்லியல் தொகுப்பு
