காத்மாண்டு – நேபாளத் தலைநகர் காத்மாண்டு விமான நிலையம் அருகே இன்று திங்கட்கிழமை மதியம் வங்காளதேச விமானம் ஒன்று விழுந்து நொறுங்கியது.
விமானத்தில் இருந்த 67 பயணிகள், 4 பணியாளர்களில், தற்போது 17 பேர் மீட்கப்பட்டிருக்கின்றனர். எஞ்சியவர்களை மீட்கும் பணி தீவிரமாக நடைபெற்று வருகின்றது.
மதியம் 2.20 மணியளவில், அவ்விமானம் தரையிறங்க முயற்சி செய்த போது திடீர் கோளாறு காரணமாக, அருகில் இருந்த காற்பந்தாட்ட மைதானத்தில் விழுந்து நொறுங்கியதாக விமான நிலைய அறிக்கை கூறுகின்றது.
