கோலாலம்பூர்: பறிமுதல் செய்யப்பட்ட 100 வாகனங்கள், மெர்சிடிஸ் பென்ஸ் மற்றும் பிஎம்டபிள்யூ உள்ளிட்டவை அடுத்த மாதம் ஏலத்திற்கு வரும் என்று கோலாலம்பூர் சாலை போக்குவரத்துத் துறை (ஜே.பி.ஜே) இயக்குனர் டத்தோ இஸ்மாயில் முகமட் சவாவி தெரிவித்தார்.
34 மோட்டார் சைக்கிள்கள் மற்றும் 66 கார்கள் வருகிற அக்டோபர் 9-ஆம் தேதி காலை 9 மணி முதல் ஜாலான் கெந்திங் கிள்ளான் மாநில தலைமையகத்தில் ஏலம் விடப்படும் என்று அவர் குறிப்பிட்டார்.
“ஏல புத்தகம் செப்டம்பர் 25 முதல் அக்டோபர் 8 வரை காலை 8.30 மணி முதல் மாலை 4 மணி வரை கேஎல் ஜேபிஜேயின் நிதி பிரிவில் விற்கப்படும். பொது ஏலம் நடக்கும் நாளில் ஏல ஆவணங்கள் விற்கப்படாது.” என்று இன்று செவ்வாயன்று நடைபெற்ற செய்தியாளர் கூட்டத்தில் அவர் தெரிவித்தார்.
ஏல புத்தகங்களை வாங்கியவர்கள் வாகனங்களை பொதுவில் பார்ப்பதற்கு அக்டோபர் 7 மற்றும் அக்டோபர் 8-ஆம் தேதிகளில் காலை 10 மணி முதல் பிற்பகல் 3.30 மணி வரை நடைபெறும் என்று அவர் தெரிவித்தார்.
“ஏல நாளில், குறைந்த எண்ணிக்கையிலான இடங்கள் இருப்பதால், வாங்குபவர்கள் அவர்களை பிரதிநிதித்துவப்படுத்தும் இருவரை மட்டுமே ஏல மண்டபத்தில் அழைத்துவர அனுமதிக்கப்படுகிறார்கள்,” என்று அவர் கூறினார்.
ஏலப் பொருட்கள் உரிமம் பெற்ற வாகனங்கள் (அதாவது அவை சாலையில் பயன்படுத்தப்படலாம்) மற்றும் பயன்படுத்த முடியாதவை என வகைப்படுத்தப்பட்டுள்ளன என்று இஸ்மாயில் கூறினார்.
“அகற்றப்பட வேண்டிய வாகனங்களுக்கு, உரிமம் பெற்ற இரும்புக் கடை உரிமையாளர்கள் மட்டுமே ஏலம் எடுக்க அனுமதிக்கப்படுகிறார்கள். அவர்கள் ஜேபிஜே அலுவலகத்திற்கு வாகனங்களை அகற்றுவதற்கான உபகரணங்களை கொண்டு வர வேண்டும், அவ்வாறு செய்ய அவர்களுக்கு இடம் வழங்கப்படும்,” என்று அவர் கூறினார்.
கார்கள் பறிமுதல் செய்யப்படும் போது, அந்தந்த அபராதம் அல்லது சம்மன் செலுத்தி காரைக் கோர உரிமையாளருக்கு சுமார் மூன்று மாதங்கள் அவகாசம் அளிக்கப்படுகிறது.
“உரிமையாளர்கள் அவ்வாறு செய்யத் தவறினால், நான்காவது மாதத்திற்குள் காரின் உரிமையை அகற்றுவதற்கும் மாற்றுவதற்கும் அமலாக்கத் துறை பணியைத் தொடங்கும். இருப்பினும், மாற்றியமைக்கப்பட்ட கார்களுக்கு இதுபோன்ற நடைமுறைகள் பொருந்தாது என்று இஸ்மாயில் கூறினார்.
