கோலாலம்பூர்: விடுதலைப் புலிகள் தொடர்பான குற்றச்சாட்டில் சிரம்பான் ஜெயா சட்டமன்ற உறுப்பினர் பி.குணசேகரனை உயர் நீதிமன்றம் இன்று திங்கட்கிழமை விடுவித்தது.
61 வயதான குணசேகரன் தொடர்புடைய விடுதலைப் புலிகள் வழக்கைத் தொடர வேண்டாம் என்ற அரசாங்க தலைமை வழக்கறிஞரின் அறிவுறுத்தலுக்குப் பிறகு நீதிபதி டத்தோ முகமட் ஜாமில் ஹுசின் மற்றும் நீதிபதி முகமட் நஸ்லான் முகமட் கசாலி ஆகியோர் அவரை விடுதலை செய்ய உத்தரவிட்டனர்.
குணசேகரனின் ஒரு வழக்கு நீதிபதி முகமட் ஜாமில் முன்னும், மற்றொரு வழக்கு நீதிபதி முகமட் நஸ்லான் முன்னும் விசாரிக்கப்பட்டது.
குணசேகரனைப் பிரதிநிதித்துவப்படுத்தும் வழக்கறிஞர் ராம்கர்பால் சிங், தனது கட்சிக்காரருக்கு எதிரான வழக்கைத் தொடர்வதை நிறுத்தக்கோரியதை அடுத்து , குற்றம் சாட்டப்பட்டவர்கள் விடுவிக்கப்பட்டு இரு குற்றச்சாட்டுகளிலிருந்தும் விடுவிக்கப்பட வேண்டும் என்று கேட்டுக்கொண்டார்.
கடந்த 2018-ஆம் ஆண்டு நவம்பர் 28-ஆம் தேதியன்று இரவு 8.30 மணி முதல் இரவு 10.50 மணி வரை மலாக்காவில் நடந்த விழாவில் விடுதலைப் புலிகள் குழுவுக்கு ஆதரவளித்ததாக அவர் மீது குற்றம் சாட்டப்பட்டது.
