Home One Line P2 ஜேக் மா அறக்கட்டளை மலேசியா உட்பட பாதிக்கப்பட்ட ஆசிய நாடுகளுக்கு மருத்துவ பொருட்கள் உதவி!

ஜேக் மா அறக்கட்டளை மலேசியா உட்பட பாதிக்கப்பட்ட ஆசிய நாடுகளுக்கு மருத்துவ பொருட்கள் உதவி!

115
0
SHARE

பெய்ஜிங்: ஜேக் மா அறக்கட்டளை மற்றும் அலிபாபா அறக்கட்டளை ஆகியவை மலேசியா மற்றும் மூன்று ஆசிய நாடுகளுக்கு மருத்துவ பொருட்களை நன்கொடையாக அறிவித்துள்ளன.

ஜேக் மா அறக்கட்டளை 2 மில்லியன் முகக் கவசங்கள், 150,000 மருத்துவ உபகரணங்கள், 200,000 பாதுகாப்பு உடைகள், 20,000 முகமூடிகளையும் அந்தந்த நாடுகளுக்கு அனுப்புவதாக அது கூறியது.

மலேசியா, இந்தோனிசியா, தாய்லாந்து மற்றும் பிலிப்பைன்ஸ் அரசாங்கங்களைத் தொடர்புகொண்டு மருத்துவப் பொருட்களை நன்கொடையாக வழங்க முன்வந்துள்ளதாக அந்த அறக்கட்டளைத் தெரிவித்துள்ளது.

“அண்டை நாடுகளில் கொவிட் -19 வைரஸை எதிர்த்துப் போராடுவதே அறக்கட்டளையின் குறிக்கோள்.”

“எங்கள் ஆசிய அண்டை நாடுகளில் கொவிட் -19 உடன் போராட நாங்கள் பணியாற்றி வருகிறோம்” என்று ஜேக் மா அறக்கட்டளை தெரிவித்துள்ளது.

“கூடுதல் உதவி மற்ற ஆசிய நாடுகளுக்கு அனுப்பப்படும்!, ” என்று அது குறிப்பிட்டுள்ளது.

தென்கிழக்கு ஆசியாவில் மலேசியாவில் தற்போது அதிக எண்ணிக்கையிலான கொவிட் -19 சம்பவங்கள் பதிவாகி உள்ளன. நேற்று வியாழக்கிழமை மாலை 5 மணி நிலவப்படி, 900 சம்பவங்கள் பதிவாகி உள்ள நிலையில் இரண்டு பேர் மரணமடைந்துள்ளனர்.

Comments