Home One Line P2 கொவிட்-19: நியூயார்க்கில் உரிமைக் கோரப்படாத உடல்கள் ஹார்ட் தீவில் அடக்கம் செய்யப்படும்!

கொவிட்-19: நியூயார்க்கில் உரிமைக் கோரப்படாத உடல்கள் ஹார்ட் தீவில் அடக்கம் செய்யப்படும்!

571
0
SHARE
Ad
படம்: நன்றி ராய்ட்டர்ஸ். (ஏப்ரல் 9-ஆம் தேதியன்று நியூயார்க்கின் ஹார்ட் தீவில் சடலங்கள் புதைக்கப்பட்டிருப்பதை ட்ரோன் படங்கள் காட்டுகின்றன. இவர்கள் கொவிட்-19 நோயால் பாதிக்கப்பட்டவர்களா என்பது தெரியவில்லை.)

நியூயார்க்: உரிமைக் கோரப்படாமல் இறந்தவர்களுக்கு இறுதி ஓய்வு இடமாக பல தசாப்தங்களாக பயன்படுத்தப்பட்டு வரும் ஹார்ட் தீவு, தற்போது கொவிட்-19 பாதிப்பின் காரணமாக உயிர் இழந்து கோரப்படாதவர்களுக்கும் அடக்கம் செய்யும் இடமாக பயன்படுத்தப்படும் என்று நியூயார்க் நகர அதிகாரிகள் கூறுகின்றனர்.

இந்த தொற்றுநோயால் அதிக எண்ணிக்கையிலான உடல்கள் இருப்பதால் வெகுஜன அடக்கம் அவசியம் என்ற கவலைகளுக்கு மாநகராட்சி மன்றத் தலைவர்  பில் டி ப்ளாசியோ வெள்ளிக்கிழமை பதிலளித்தார்.

ஹார்ட் தீவில் நீண்ட அகழிகளில் பிணப்பெட்டிகள் வைக்கப்படும் புகைப்படங்கள் இணையத்தளத்தில் பரவலாகப் பகிரப்பட்டன.

#TamilSchoolmychoice

“ஹார்ட் தீவில் வெகுஜன அடக்கம் எதுவும் இருக்காது” என்று அவர் டுவிட்டரில் பதிவு செய்துள்ளார். “எல்லாம் தனித்தனியாக இருக்கும், ஒவ்வொரு உடலும் கண்ணியத்துடன் நடத்தப்படும்.”

“நாம் பார்க்கும் மரணங்கள், குடும்பத்தினர் அல்லது நண்பர்கள் இல்லாமல் அதிகமானவர்களை தனிப்பட்ட முறையில் அடக்கம் செய்வதே முறையானது. ஹார்ட் தீவில் அடக்கம் செய்யப்படுபவர்கள் மரியாதையுடன் நடத்தப்படுவார்கள்”

“இது ஒரு புதிய நடைமுறை அல்ல” என்று அவர் ஒரு செய்தி மாநாட்டில் கூறினார்.

ஹார்ட் தீவு 150 ஆண்டுகளுக்கும் மேலாக அந்நகரத்தால் ஒரு பொது கல்லறையாக பயன்படுத்தப்படுகிறது.