கோலாலம்பூர்: பாரிட் நாடாளுமன்ற உறுப்பினர் முகமட் நிசார் சாகாரியா தேசிய குடும்ப மேம்பாட்டு வாரியத்தின் புதிய தலைவராக நியமிக்கப்பட்டுள்ளார்.
2008 முதல் 2013 வரை பாரிட் நாடாளுமன்றத்தை பிரதிநிதித்துவப்படுத்திய நிசார், 14- வது பொதுத் தேர்தலில் மீண்டும் அந்த இடத்தை வென்றார்.
2013 முதல் 2018 வரை, பெலாஞ்சா சட்டமன்றத்தை பிரதிநிதித்துவப்படுத்திய அவர், இஸ்லாமிய கல்வி, மனித மேம்பாடு, தொழில் முனைவோர் மேம்பாடு மற்றும் பேராக் கூட்டுறவு தொடர்பான ஆட்சிக்குழுவுக்குத் தலைமை தாங்கினார்.
2019 மார்ச்சில் நம்பிக்கைக் கூட்டணி அரசாங்கத்தால் நியமிக்கப்பட்ட, டாக்டர் நரிமா அவினிடமிருந்து இந்த தலைவர் பதவியை நிசார் ஏற்றுக்கொள்கிறார்.
மருத்துவரான நரிமா முன்னர் 2007- இல் ஓய்வு பெறுவதற்கு முன்பு சுகாதார அமைச்சில் குடும்ப சுகாதார மேம்பாட்டு இயக்குநராக இருந்தார்.
