மும்பை, ஜுன் 27- இந்தியில் முன்னணி நடிகையாக திகழ்ந்தவர் மனிஷா கொய்ராலா. பம்பாய், இந்தியன், முதல்வன் போன்ற வெற்றிப் படங்களில் நடித்தன் மூலம் தமிழிலும் பிரபலமானார்.
இந்நிலையில் திடீர் உடல் நலக்குறைவு ஏற்பட்டதால் கடந்த ஆண்டு நவம்பர் மாதம் 28-ந்தேதி மருத்துவமனையில் அனுமதிக்கப்பட்டார். டாக்டர்கள் பரிசோதனை செய்ததில் அவருக்கு கர்ப்பப்பையில் புற்றுநோய் பாதிப்பு இருந்தது தெரிய வந்தது.
இதனைத்தொடர்ந்து அவர் அமெரிக்காவின் நியூயார்க்கில் உள்ள ஒரு பிரபல மருத்துவமனையில் மேல் சிகிச்சைக்காக அனுமதிக்கப்பட்டார். சுமார் 6 மாதம் காலமாக சிகிச்சை பெற்ற அவர் பூரண குணம் அடைந்தார். இதையடுத்து இன்று மும்பை திரும்பி மனிஷா கொய்ராலா தனது வீட்டில் ஓய்வெடுக்க உள்ளார்.
மனிஷா கொய்ராலா முன்பை விட தற்போது நன்றாக இருக்கிறார். மும்பை வந்ததும் நேராக அந்தேரியில் உள்ள அவரது வீட்டுக் சென்றுவிட்டார் என்று அவரது மானேஜர் தெரிவித்தார்.
