லண்டன், நவ 18- சிறந்த இலக்கியத்துக்கான நோபல் பரிசை பெற்ற பிரபல பெண் எழுத்தாளர் டோரிஸ் லெஸ்ஸிங்(94) நேற்று மரணமடைந்தார்.
பல்வேறு தலைப்புகளில் கீழ் 55க்கும் மேற்பட்ட சிறந்த படைப்புகளை உருவாக்கிய இவருக்கு இலக்கியத்துக்கான நோபல் பரிசு கடந்த 2007ம் ஆண்டு வழங்கப்பட்டது. 22-10-1919ல் பெர்ஷியா (தற்போதைய ஈரான்) நாட்டில் பிறந்த டோரிஸ் லெஸ்ஸிங், 5 வயதில் ரொடீஷியா (தற்போதைய ஜிம்பாப்வே) நாட்டுக்கு பெற்றோருடன் குடிபெயர்ந்து 29 வயது வரை அங்கே வாழ்ந்தார்.
ஆரம்பத்தில் கம்யூனிச சித்தாந்தங்களில் அதிக ஈர்ப்புடைய அவர் இங்கிலாந்துக்கு வந்து 1950 ஆம் ஆண்டு ‘புற்கள் சிரிக்கின்றன’ (த கிராஸ் இஸ் ஸிங்கிங்) என்ற தனது முதல் நாவலை வெளியிட்டார்.
அமெரிக்க – ஐரோப்பிய நாடுகளில் மிக பிரபலமான எழுத்தாளராக விளங்கிய இவர் நோபல் பரிசு நீங்கலாக இலக்கியத்துக்கான பல்வேறு பரிசுகளையும் பெற்றுள்ளார்.
