புதுடெல்லி, ஜூன் 17 – பிரிக்ஸ் கூட்டமைப்பில் பிரேசில், ரஷ்யா, இந்தியா, சீனா மற்றும் தென்ஆப்ரிக்கா ஆகிய நாடுகள் இடம் பெற்றுள்ளன. இந்நிலையில், பிரிக்ஸ் மாநாடு பிரேசிலின் போர்டலிசா நகரில் அடுத்த மாதம் 15-ஆம் தேதி முதல் 17-ஆம் தேதி வரை நடக்க உள்ளது.
இதற்கு முன்பாக, ஜூலை 13-ஆம் தேதி உலககோப்பை கால்பந்து இறுதிப் போட்டி ரியோ டி ஜெனிரோ நகரில் நடக்கிறது. இந்த போட்டியை நேரில் காண பிரதமர் மோடி உள்ளிட்ட பிரிக்ஸ் நாடுகளின் தலைவர்களுக்கு பிரேசில் அழைப்பு விடுத்துள்ளது.
இத்தகவலை டெல்லியில் உள்ள பிரேசில் தூதரக அதிகாரிகள் நேற்று தெரிவித்தனர். உலக கோப்பை கால்பந்து தொடரை ஒட்டி, நினைவு தபால் தலையை மோடி கடந்த வாரம் வெளியிட்டது குறிப்பிடத்தக்கது.
Comments
