சென்னை, பிப்ரவரி 24 – அதிமுக பொதுச் செயலாளர் ஜெயலலிதாவுக்கு பிரதமர் நரேந்திர மோடி டுவிட்டரில் பிறந்தநாள் வாழ்த்து தெரிவித்துள்ளார்.
ரூ.66 கோடி சொத்து குவித்த வழக்கில் தண்டனை பெற்றுள்ள ஜெயலலிதா, முதல்வர் பதவியை இழந்த காரணத்தால் இந்த ஆண்டு வழக்கமான உற்சாகத்தோடு தனது பிறந்தநாளை கொண்டாடவில்லை.
மோடியுடன், ஜெயலலிதா (பழைய கோப்புப் படம்)
ஆனாலும் அதிமுகவினர் ஜெயலலிதாவின் 67-வது பிறந்தநாளை இன்று திருவிழா போல கொண்டாடி வருகின்றனர். பால்குடம், பறவைக்காவடி, அன்னதானம், அலகு குத்தல் என கிராமத்து திருவிழாக்கள் போல பிறந்தநாள் கொண்டாட்டங்களை அதிமுகவினர் கொண்டாடினர்.
ஜெயலலிதாவின் பிறந்த நாளை முன்னிட்டு பிரதமர் நரேந்திர மோடி டுவிட்டரில் வாழ்த்து தெரிவித்துள்ளார். நீண்ட ஆயுளும், ஆரோக்கியமும் பெற வாழ்த்துகிறேன்” என்றும் மோடி தனது டுவிட்டர் பக்கத்தில் குறிப்பிட்டுள்ளார்.
