ஜோர்ஜ்டவுன், ஏப்ரல் 13 – பெர்மாத்தாங் பாவ் இடைத்தேர்தலில் எளிதில் வென்று விடலாம் என்ற அதிக நம்பிக்கையோடு இருக்க வேண்டாம் என பினாங்கு முதல்வர் லிம் குவான் எங் பக்காத்தான் கூட்டணி கட்சிகளுக்கு எச்சரிக்கை விடுத்துள்ளார்.
இந்த இடைத்தேர்தலில் பெர்மாத்தாங் பாவ் தொகுதியை எப்படியாவது கைப்பற்றிவிட வேண்டும் என்ற நோக்கத்தில் தேசிய முன்னணி அதற்கான நடவடிக்கைகளுக்குத் தயாராகி வருகின்றது.
நேற்று துணைப் பிரதமர் டான்ஸ்ரீ முகைதின் யாசின், தேசிய முன்னணியின் கூட்டணிக் கட்சிகளுடன் அதற்கான பேச்சுவார்த்தைகளை நடத்தியுள்ளார்.
இது குறித்து லிம் குவான் எங் கூறுகையில், “இந்த இடைத்தேர்தலில் பக்காத்தானுக்கும், தேசிய முன்னணிக்கும் வெற்றியடைய 50/50 வாய்ப்புகள் இருப்பதாக தெரிகின்றது. எனவே சுலபமாக வென்றிடலாம் என்ற எண்ணத்தில் இருந்து விடாதீர்கள்” என்று தெரிவித்துள்ளார்.
