சென்னை – நடிகர் காதல் சுகுமார் இயக்கத்தில், கூத்துக் கலையையும், ஆணவப் படுகொலையையும் மையமாகக் கொண்ட திரைப்படமான ‘சும்மாவே ஆடுவோம்’ வரும் ஜூலை 8-ம் தேதி முதல் உலகமெங்கும் வெளியாகும் என அறிவிக்கப்பட்டுள்ளது.
முதல் முறையாக 45 நகைச்சுவைக் கலைஞர்கள் பங்கேற்றுள்ள இத்திரைப்படத்தில், அனைத்துலக நீச்சல் வீரர் அருண் பாலாஜி, அர்ஜுன், லீமா, ஆகியோர் இத்திரைப்படத்தில் முக்கியக் கதாப்பாத்திரங்களில் நடித்துள்ளனர்.
இசையமைப்பாளர் ஸ்ரீகாந்த் தேவா இப்படத்திற்கு இசையமைத்துள்ளார். பாடலாசிரியர் முருகன் மந்திரம் 4 பாடல்களும், உதயா மற்றும் கவிஞர் அஸ்மின் ஒரு பாடலும் எழுதியுள்ளனர். தற்போது இணையத்தில் அப்பாடல்களைப் பதிவிறக்கம் செய்து கேட்கலாம்.
‘சும்மாவே ஆடுவோம்’ திரைப்படத்தின் முன்னோட்டத்தினை இங்கே காணலாம்:-
