Home Featured வணிகம் மேக்சிஸ் உடனான முக்கிய ஒப்பந்தத்தை முடித்துக் கொண்டது யு மொபைல்!

மேக்சிஸ் உடனான முக்கிய ஒப்பந்தத்தை முடித்துக் கொண்டது யு மொபைல்!

497
0
SHARE

கோலாலம்பூர் – மேக்சிஸ் நிறுவனத்துடன் இருந்த பிணையப் பகிர்வு (நெட்வொர்க்) மற்றும் கூட்டு ஒப்பந்தத்தை யு மொபைல் செண்ட்ரியான் பெர்ஹாட் நிறுவனம் முறித்துக் கொள்ள முடிவெடுத்திருக்கிறது.

வரும் 2018-ம் ஆண்டு டிசம்பர் 27-ம் தேதியோடு இந்த ஒப்பந்தம் நிறைவடைவதாக மேக்சிஸ் நிறுவனம் இன்று புதன்கிழமை அறிவித்திருக்கிறது.

கடந்த 2011-ம் ஆண்டு அக்டோபர் 21-ம் தேதி, மேக்சிஸ் பிராட்பேண்ட் செண்ட்ரியான் பெர்ஹாட் நிறுவனமும், யு மொபைல் நிறுவனமும் இந்த ஒப்பந்தத்தை செய்து கொண்டன.

இந்நிலையில், கடந்த வெள்ளிக்கிழமை, இந்த ஒப்பந்தத்தை முறித்துக் கொள்வதாக யு மொபைல் நிறுவனத்திடமிருந்து தங்களுக்குக் கடிதம் வந்ததாக மேக்சிஸ் தெரிவித்திருக்கிறது.

எனினும், இந்த ஒப்பந்த முறிவால் மேக்சிஸ் நிறுவனத்தின் 2017-ம் நிதியாண்டின் முடிவில், ஒருங்கிணைந்த நிதி அறிக்கையில் எந்த ஒரு பொருளாதார விளைவையும் தாங்கள் எதிர்பார்க்கவில்லை என்றும் மேக்சிஸ் தெரிவித்திருக்கிறது.

 

Comments