Home One Line P1 “பாலஸ்தீன பிரச்சனையை தீர்க்காவிட்டால் பயங்கரவாத செயல்களுக்கு தயாராகுங்கள்!”- மகாதீர்

“பாலஸ்தீன பிரச்சனையை தீர்க்காவிட்டால் பயங்கரவாத செயல்களுக்கு தயாராகுங்கள்!”- மகாதீர்

456
0
SHARE

கோலாலம்பூர்: பாலஸ்தீன பிரச்சனை தீர்க்கப்படாவிட்டால் விரக்தியடைந்த முஸ்லிம்களால் அதிகமான பயங்கரவாத செயல்களுக்கு தயாராக இருங்கள் என்று பிரதமர் துன் டாக்டர் மகாதீர் முகமட் எச்சரித்துள்ளார்.

பாலஸ்தீனியர்களை ஒடுக்குவதற்கும் அவர்களின் நிலத்தை ஆக்கிரமிப்பதற்கும் இஸ்ரேலுக்கு உதவி செய்யும் மேற்கத்திய சக்திகளை பிரதமர் குற்றம் சாட்டினார்.

பாலஸ்தீனியர்களின் பயங்கரவாத செயல்கள் கண்டிக்கப்பட்டன, ஆனால் இஸ்ரேல் குற்றங்களிலிருந்து தப்பிக்க அனுமதிக்கப்படுவதை அவர் சுட்டிக்காட்டினார்.

வரலாற்றில் ஒரு நாடு மற்றொரு நாட்டில் ஒரு குடியேற்றத்தை அமைத்ததோடு, புரவலன் நாட்டை குடியேற அனுமதிக்காதது இங்குதான் நடக்கிறது. இஸ்ரேலால் இது நடத்தப்படுகிறது, இதற்கு பக்கபலமாக உலகம் நிற்கிறது”  என்று டாக்டர் மகாதீர் கூறினார்.

அனைத்துலக குற்றங்களைச் செய்யும்போது கூட அமெரிக்கா இஸ்ரேலை ஆதரித்தது. காலப்போக்கில், பாலஸ்தீனியர்கள் கோபமும் விரக்தியும் அடைந்தனர், அவர்கள் எந்த அமைப்பும் இல்லாமல் தாங்களாகவே செயல்பட்டார்கள், ”என்று அவர் கூறினார்.

அவர்களால் இஸ்ரேலுக்கு எதிரான போரை நடத்த முடியவில்லை. அவர்கள் தங்களை மட்டுமே கொண்டிருந்தார்கள். ஆனால் சேதத்தை ஏற்படுத்த, அவர்கள் சுற்றியுள்ள மக்களை கொல்ல தங்களைத் தாங்களே ஆயுதமாக பயன்படுத்தி தாக்குதல்களை மேற்கொண்டனர், ”என்று அவர் மேலும் கூறினார்.

Comments