ஸ்ரீநகர் – ஜம்மு காஷ்மீர் மாநிலத்தில் உரி என்ற பகுதியில் அமைந்திருந்த இந்திய ராணுவ முகாம் மீது நேற்று ஞாயிற்றுக்கிழமை தீவிரவாதிகள் நடத்திய தாக்குதலில் படுகாயமடைந்து, மருத்துவமனையில் சிகிச்சைப் பெற்று வந்த 19 இராணுவ வீரர்களில், 3 பேர் சிகிச்சைப் பலனின்றி உயிரிழந்துள்ளனர்.
இதனால், இக்கொடூரத் தாக்குதலில் பலியான இந்திய இராணுவ வீரர்களின் எண்ணிக்கை 20 ஆக உயர்ந்துள்ளது.
மேலும் சிலர் கவலைக்கிடமான நிலையில் உள்ளதாக இராணுவ மருத்துவமனை தெரிவித்துள்ளதால் பலி எண்ணிக்கை மேலும் அதிகரிக்கக்கூடும் என அஞ்சப்படுகிறது.
இச்சம்பவத்தில் பயங்கரவாதிகள் நடத்திய தாக்குதலில் ஏற்கனவே 17 இராணுவ வீரர்கள் உயிரிழந்தனர். பயங்கரவாதிகளுக்கு எதிராக இராணுவம் தொடுத்த பதிலடித் தாக்குதலில் 4 பயங்கரவாதிகள் மரணமடைந்தனர் என்பது குறிப்பிடத்தக்கது.
