கோலாலம்பூர்: பிரதமர் மொகிதின் யாசின் 14 நாட்களுக்கு வீட்டு தனிமைப்படுத்தலுக்கு உட்படுத்தப்படுவார்.
கொவிட்19 தொற்று பரிசோதனையில் தொற்று ஏற்பட்டுள்ளதாக மத விவகார அமைச்சர் சுல்கிப்ளி முகமட் அல்-பக்ரி அறிவித்தை அடுத்து இந்த அறிவிப்பு வெளிவந்துள்ளது. அமைச்சர் கலந்து கொண்ட கூட்டத்திற்கு பிரதமர் தலைமை தாங்கினார்.
ஏப்ரல் முதல் இரண்டு வாரங்களுக்கு ஒரு முறை தாம் கொவிட்19 பரிசோதனைகளுக்கு உட்பட்டுள்ளதாகவும், இன்றுவரை அனைத்து சோதனைகளும் எதிர்மறையாக வந்துள்ளதாக மொகிதின் கூறினார்.
முன்னதாக, சுல்கிப்ளி அல்-பக்ரி கொவிட்19 தொற்றுக்கு ஆளாகி இருப்பதாக உறுதிப்படுத்தியிருந்தார்.
அவர் தற்போது மருத்துவமனையில் சிகிச்சை பெற்று வருவதாகவும், நல்ல நிலையில் உள்ளதாகவும் தமது முகநூல் பக்கத்தில் தெரிவித்திருந்தார்.
