வாஷிங்டன், ஜூன் 25 – அமெரிக்க அதிபராக பெண் ஒருவர் தேர்வு செய்யப்பட வேண்டும் என்று அதிபர் ஒபாமாவின் மனைவி மிஷெல் ஒபாமா விருப்பம் தெரிவித்துள்ளார்.
இது குறித்து அவர் கூறியதாவது:-
“யாரால் திறம்பட செயல்பட முடியுமோ, அவரை அதிபராக தேர்வு செய்ய நாடு தயாராக உள்ளது.”
“அதிபராக தேர்தெடுக்கபடுபவரின் நிறமோ, பாலினமோ, அவர்களின் பின்னணியோ அல்லது சமூக பொருளாதார நிலையோ முக்கியமில்லை.” என்று கூறினார்.
மேலும் அவர், அமெரிக்கர்கள் வெகுவிரைவில் ஒரு பெண்னை அமெரிக்காவின் அதிபராக தேர்ந்தெடுப்பர் என நம்புகிறேன் என்றும் குறிப்பிட்டுள்ளார்.
அமெரிக்காவில் 2016-ம் ஆண்டு நடைபெறவுள்ள அதிபர் தேர்தலில் ஜனநாயக கட்சியின் வேட்பாளராக முன்னாள் வெளியுறவுத்துறை செயலாளரான ஹிலாரி கிளிண்டன் நிறுத்தப்படலாம் என்று செய்திகள் வெளியாகியுள்ள நிலையில், மிஷெல் இவ்வாறு கூறியுள்ளது முக்கியத்துவம் வாய்ந்ததாக கருதப்படுகிறது.
