ஹாங்காங், ஆகஸ்ட் 26 – வானளாவிய கட்டடத்தின் உச்சியில் நின்று வாழைப்பழம் சாப்பிட்டுக் கொண்டு எடுக்கப்பட்டுள்ள தம்படமே (செல்ஃபி), உலகின் ஆபத்தான தம்படம் என கூறப்படுகிறது.
ஹாங்காங்கின் மிக உயர்ந்த கட்டடங்கள் மீது ஏறி, உலகையே வியக்க செய்யும் தம்படம் எடுக்க முடிவு செய்த 3 இளைஞர்கள், ஹாங்காங்கின் ஐந்தாவது மிக உயர்ந்த கட்டடமான 1,135 அடி உயரமுடைய தி சென்டர் ஸ்கை ஸ்கராப்பர் மீது ஏறி நின்றபடி தம்படம் எடுத்துள்ளனர்.
மிகவும் சாதாரணமாக வாழைப்பழத்தை சாப்பிட்ட வண்ணம் அந்த உயரிய இராட்சத கட்டடத்திலிருந்து கீழே இறங்கும் காட்சியையும் பதிவு செய்துள்ளனர்.
இவர்கள் தம்படம் எடுக்கும் காணொளி தற்போது யூடியூபில் இளைஞர்கள் மத்தியில் பிரபலமாக பேசப்படுகிறது. இதுவரையில் எடுக்கப்பட்ட தம்படங்களில் இது தான் மிகவும் அச்சுறுத்தக் கூடியது என்று இணையவாசிகளால் கூறப்படுகிறது.
Comments
