ஸ்ரீஹரிகோட்டா, ஜூலை 11- ஒரே சமயத்தில் மொத்தம் 1440 கிலோ எடை கொண்ட 5 செயற்கைக்கோள்களை விண்ணுக்கு அனுப்பி இந்தியாவின் வானியல் ஆராய்ச்சி நிறுவனமான இஸ்ரோ சாதனை படைத்துள்ளது.
இஸ்ரோ கடைசியாக, பிரான்சின் ஸ்பாட் – 7(175 கிலோ), ஜெர்மனியின் ஐசாட் (14 கிலோ), கனடாவின் என்எல்எஸ் 7.1 (15 கிலோ), என்எல்எஸ் 7.2 (15 கிலோ), சிங்கப்பூரின் வெலாக்ஸ் -1 (7 கிலோ) ஆகிய 5 வெளிநாட்டு செயற்கைக்கோள்களை பிஎஸ்எல்வி -சி23 ராக்கெட் மூலம் விண்ணுக்கு அனுப்பியது.
இதன் மொத்த எடை 765 கிலோ ஆகும். இதுதான் அதிகபட்சமாக இருந்தது.
ஆனால், தற்போது அனுப்பியுள்ள 5 செயற்கைகோள்களின் மொத்த எடை 1440 கிலோ ஆகும்.
இது இஸ்ரோவின் புதிய சாதனையாகும்.
மேலும், இந்த 5 வெளிநாட்டுச் செயற்கைக்கோள்களையும் சேர்த்து, இஸ்ரோ இதுவரை 45 வெளிநாட்டுச் செயற்கைக்கோள்களை விண்ணில் செலுத்தியுள்ளது குறிப்பிடத்தக்கது.
