கோலாலம்பூர் – ‘ஐ’ படத்திற்குப் பின்னர் விக்ரம் கதாநாயகனாக நடிக்கும் படம் – ‘கோலிசோடா’வில் மிரள வைத்த விஜய் மில்டனின் இயக்கம் – இயக்குநர் ஏ.ஆர்.முருகதாசின் தயாரிப்பு – என பல சிறப்புகளுடன் எதிர்பார்ப்பை எகிற வைத்திருக்கும் படம் ‘பத்து எண்றதுக்குள்ள’.
எதிர்பார்த்த பட்ஜெட்டை விடத் தாண்டிவிட்டது என்ற தகவல்களும் சென்னை சினிமா வட்டாரங்களில் கசிகின்றன, இந்தப் படத்தைப் பற்றி!
இந்தியாவின் பல பகுதிகளில் பயணம் செய்யும் விக்ரம்-சமந்தா ஜோடியைப் பின்னனணியாகக் கொண்ட கதையமைப்பு – சிறந்த நடிகர்கள் ஜேக்கி ஷரோப், பசுபதி போன்றவர்களும் இணைந்திருப்பது – என மேலும் சில எதிர்பார்ப்புகளும் இணைந்திருக்கின்றன.
நானும் ரௌடிதான்
தேர்ந்தெடுத்துப் படங்கள் பண்ணும் விஜய் சேதுபதி, கதாநாயகனாக முதன் முறையாக நயன்தாராவுடன் இணையும் படம் இது.
தனியாகவே ‘மாயா’ மூலம் இரசிகர்களை திரையரங்குகளுக்கு ஈர்த்து வசூல் மழை பொழிய வைத்த நயன்தாரா முக்கிய நடிகர்கள் பலருடன் இணைவது – தனுஷ் தயாரிப்பு – அனிருத் இசை – என்பது போன்ற மற்ற சில அம்சங்களும் இரசிகர்களின் கவனத்தை ஈர்த்துள்ளன.
பார்த்திபன், ராதிகா, போன்ற நட்சத்திரங்களின் அணிவகுப்பும் படத்திற்கான எதிர்பார்ப்பை அதிகரித்துள்ளது.
இந்த இரண்டு படங்களின் திரை விமர்சனங்களும் இன்று செல்லியலில் வெளியாகும். படிக்கத் தவறாதீர்கள்.
