கோலாலம்பூர் – நாளை செப்டம்பர் 30-ஆம் தேதி தொடங்கி அக்டோபர் 2-ஆம் தேதி வரை, 3 நாட்களுக்கு ஜிஎம் கிள்ளான் வோல்சேல் சிட்டி (GM Klang Wholesale City)-ன் வாகன நிறுத்துமிடத்தில் அஸ்ட்ரோவின் அனைத்துலக இந்திய வர்த்தக விழா மற்றும் தீபாவளி கொண்டாட்டம் 2016 நிகழ்ச்சிகள் மிகப் பிரம்மாண்டமான முறையில் நடைபெறவுள்ளது.
இந்திய வர்த்தக விழாவில் கலந்து கொள்ளும் பொதுமக்களை மகிழ்ச்சிபடுத்த பல்வேறு போட்டிகளை ஏற்பாடு செய்துள்ளது அஸ்ட்ரோ.
நாளை வெள்ளிக்கிழமை காலை 10 மணி தொடங்கி, மாலை 4 மணி வரை அப்போட்டிகள் நடத்தப்படவுள்ளன.
‘அஸ்ட்ரோ வட்டம் புதையல் வேட்டை’, ‘அஸ்ட்ரோ வட்டம் முறுக்கு சுடும் போட்டி’, ‘தீபாவளி ஆடை அலங்காரப் போட்டி’, ‘ஒப்பைனைத் திறன் போட்டி’ ஆகிய போட்டிகள் நாளை நடைபெறவுள்ளன. இப்போட்டிகளில் கலந்து கொண்டு வெற்றி பெறுபவர்களுக்கு ஆச்சரியமூட்டும் பல விலைமதிப்புள்ள பரிசுப் பொருட்கள் காத்திருக்கின்றன.
அதுமட்டுமா? பேஷன் ஷோ, வானொலி விளம்பரங்களுக்கான பின்னணி குரல் தேடல், உள்ளிட்ட தேர்வுகளும் இடம்பெறவுள்ளன.
எனவே, நாளை செப்டம்பர் 30-ம் தேதி, தொடங்கி, அக்டோபர் 2-ஆம் தேதி வரை, 3 நாட்களுக்கு ஜிஎம் கிள்ளான் வோல்சேல் சிட்டி (GM Klang Wholesale City)-ல் நடைபெறும் இந்திய வர்த்தக விழாவில் கலந்துகொண்டு பரிசுகளைத் தட்டிச் செல்லலாம்.
இலவசப் பேருந்துகள்
போர்ட் கிள்ளான் இரயில் நிலையத்தில் இருந்து ஜிஎம் கிள்ளான் வோல்சேல் சிட்டிக்குச் செல்ல இலவச பேருந்து வசதியும் செய்யப்பட்டுள்ளது. அதன் மூலம் மக்கள் எளிதில் வர்த்தக விழா நடைபெறும் இடத்தை சென்றடையலாம்.
