சென்னை – சசிகலாவுக்கு எதிரான அரசியல் போராட்டத்தில் நேற்று முதல் குண்டைத் தூக்கிப் போட்டவர் பி.எச்.பாண்டியன். அதன் பின்னர்தான், நேற்றிரவு ஓ.பன்னீர் செல்வம் மெரினாவிலுள்ள ஜெயலலிதா நினைவிடத்தில் இருந்து புயலெனப் புறப்பட்டிருக்கிறார்.
இன்று பத்திரிக்கையாளர்களை ஓ.பன்னீர் செல்வம் சந்தித்தபோது அங்கு வந்து ஓபிஎஸ்-சுடன் இணைந்திருக்கிறார் பி.எச்.பாண்டியன். இதிலிருந்து இவர்கள் இருவரும் இணைந்து சசிகலாவுக்கு எதிரான போராட்டத்தில் கைகோர்த்திருக்கின்றனர் என்பது வெட்ட வெளிச்சமாகியுள்ளது.
இதற்கிடையில், இன்று பத்திரிக்கையாளர்களைச் சந்தித்த பன்னீர் செல்வம் ஜெயலலிதாவின் மரணம் குறித்து விசாரிக்க உயர்நீதிமன்ற நீதிபதி ஒருவரின் தலைமையின் கீழ் விசாரணைக் குழு அமைக்கப்படும் என்றும் அறிவித்திருக்கிறார்.
